終於寫完瑞士旅行嘅 blog la ！
去完呢次之後，如果有機會再去，我會揀5月尾去，未到 peak season，人少D，同埋酒店都會平D。
我唔會揀冬天去瑞士，雖然有雪落，但所有野都係白濛濛、湖水結晒冰、又早天黑，同埋好凍。瑞士係要有綠山、藍湖、五顏六色嘅阿爾卑斯山花、終年積雪嘅雪山，先係最靚（個人認為）。
搭火車係最方便，因我地唔識揸車。而 swiss pass 係好有用，雖然我地 stay 左11日，但 15 days swiss pass 都平過逐程買車飛。
去左咁多地方，老公話佢最仲意 Zermatt，有遠足行程同埋上左雪山。我就仲意 St. Moritz，夠寧靜。有無一個地方可以唔駛去？我諗無，每一個地方都好靚，雖然可能有D要搭好耐火車、但只逗留數十分鐘，不過，我地旅行就係咁
我地買嘅手信，主要係朱古力，係專門店有買，亦係 Coop 度買，平 ar ma。另外買左D紀念品。我地無買 luxury goods，好貴。Even 瑞士軍刀、錶，好似同係香港買差唔多。（依家可能好D，瑞郎同歐元掛鈎後，瑞郎keep住係8)
講番之前係 St. Gallen 買嘅 Euro Millions 彩票，開彩結果係我地番黎香港果日，咁我地上網 check 番，一個字都唔中，唉，貪字得個貧。而個 jackpot，過左幾日後，新聞都有賣，係英國一對上左年紀嘅夫婦中左，勁 ar。
想請問有關瑞士的交通。。。你地係咪係香港買左pass，到時就自由上落？我有點擔心需唔需要出發前book定晒火車飛。。。感謝感謝
回覆刪除我地唔係喺香港買 Swiss pass，因為係香港經旅行社買要另畀手續費，而且係香港買完，去到瑞士，要拎住張 pass 去火車站到 validate，由果到D人寫番張 pass 嘅使用日期，因為有分 4/8/15 days。所以，如果係香港買無特別折扣嘅話，我地直接係瑞士火車站買，因為點都要去。係Zurich一落機，對面就係火車站。
回覆刪除有D觀光火車 e.g. Glacier Express，就要另外 book。同上一樣，你可以選擇係香港或瑞士火車站 book。我地係去到瑞士買 swiss pass 時 book 埋。
瑞士火車係無閘口，可以自由進出月台。上左火車，等火車開左，車長先會走過黎你個位逐個逐個check張飛，到時隊張 swiss pass 畀佢就 ok ga la。