馬爾代夫旅行 2012 - Day1 Singapore airport, Male

我揀左搭Singapore airline，下午1點令飛機，4個鐘度到Singapore airport轉機。然後等3粒鐘，再搭5個鐘飛機到Male。

我本身諗住搭下午3點令果班飛機去新加坡，咁轉機等候時間就唔駛3粒鐘，1個鐘多D就得la。但個agent話時間可能好＂文＂，我又諗出發去Maldives，預鬆D好D，番黎果程就無所謂。

點知係HK飛去新加坡班機，真係delay左大半個鐘。

新加坡機場好大，好多野行，好多野食。我地行左一陣，係大型化妝舖買左支eye cream，價錢同香港差唔多，但可以找番多D美金散紙。另外，買左2大支水（平過係香港機場買），同食左過輕便晚餐，用credit card畀$，因為唔想找番新加坡紙畀我。

去到Male，已經係當地10點幾，但實際係香港時間半夜1點幾，我同老公已經好攰。

過左海關，出到大堂，已經即刻見到攞住Traders Hotel嘅staff，行埋去confirm左，佢就叫我地行去有枱有檯果邊等一陣。個機場好細，一眼已經望晒。

我諗住佢等齊人出黎先行，點知等左15分鐘，乜人都出晒黎la。

有其他couples都坐係度等緊，其中一對台灣couple問我地知唔知等緊乜，我地話唔知，再同佢地傾左幾句。

再等多10分鐘，唔對路，去搵番果個staff，見佢企到好遠同一對couple傾緊偈。但點都要問，於是打斷佢地，準備問個staff我地係度等咩。我未問完，佢已經話架艇on the way。

啊，原來等緊隻艇。但我唔明點解要頭尾等左30分鐘。唯一解釋，隻艇已經載左一批人返酒店先，而我地係遲出黎果批，所以岩岩miss左。不過，唔係我地行得慢，係件行李出得黎慢ja。

等多5分鐘，個staff終於叫我地行，幾步路就係碼頭。隻艇好細，一次載20人度，有幾個staff幫手搬行李。

唔駛10分鐘，就去到Male主島。其中一個staff帶住我地行去酒店，其他staff搬行李上車，再送去酒店。

2分鐘到酒店，即刻check in。好快攪掂，上房，點知張房卡開極都開唔到，咁老公再落去lobby。

我企係房門口等嘅時候，有個staff送行李黎，我話個情況佢知，佢就係度一齊等。

老公幾分鐘後返左黎，再試張房卡，唔得。個staff試，都唔得。

個staff叫我地係度等，佢落去lobby。又過幾分鐘，佢上番黎，帶我地去第二間房，終於入到去。

一入到去，已聞到有陣up味。不過，而家已經係當地半夜12點幾，我地已經好鬼攰加上resort安排左我地搭聽日早上6點半水上飛機，要5:45係Traders Hotel check out。

點解安排左咁早嘅seaplane，我都唔明，Traders Hotel嘅staff話seaplane通常都係咁早。答完等於無答。

所以，一入酒店房，即沖涼瞓覺。