因為仲好眼瞓，係咁意食左D麵包同白粥，就check out。
係lobby等左10分鐘，酒店安排左私家車送我地去碼頭，再搭快艇，返番去機場。
係機場等左5分鐘，等埋另一pair couple同一個肥佬，個staff就帶我地去check in seaplane，將行李過磅。
又等左10分鐘，然後上左架私家車，車我地5個人去resort個lounge等seaplane。
車程5分鐘度，到左lounge之後，有D失望。雖然有飲品，但無野食，而且個lounge好細。
係lounge度，個staff幫我地做埋resort check in。我本來想用咖啡機沖杯咖啡，個肥佬見到話幫我沖，我話唔駛客氣la。
但佢堅持，仲即刻沖，咁唯有多謝佢。等緊嘅時候，同佢傾偈，原來佢係resort嘅executive chef，唔怪得佢咁堅持幫我沖咖啡。
嘆完杯咖啡，係lounge出面影下相，個staff就帶我地落樓，去浮台上seaplane。機上除左我地5個人，仲有嘅係resort其他staff。
搭seaplane都幾唔舒服，個位細、又熱又嘈。不過，望出去見到一個個環礁、一個個resort，真係幾靚。
飛左30分鐘，已見到我地間resort。架飛機係上空兜左個圈，就飛落去海中間一個浮台。
落左浮台，已經見到有架快艇駛緊過黎。轉眼架艇已經到左，有個staff向我地走埋黎，問我地係咪x先生x小姐，我地話係，跟住佢就介紹自己係我地嘅villa host。
之後佢帶我地上艇，2分鐘到villa，一上岸已經有一隊人係度welcome。
Villa host用佢部相機，叫我地影番張相。佢咁有誠意，我地都照影，雖然我地係勁眼瞓樣。
影完相，佢帶我地坐buggy，車我地周圍行介紹島上設施。一上車，我地問間房ready未，佢話佢地間resort係offer即時有房用。我地聽完好開心，因為可以即刻再瞓過。
去到dive centre，順便借埋浮潛用具，因為費時自己再特登摸出黎。
最後，就車我地返房。一入房，佢即整左2杯welcome drink，仲話要同我地做腳底按摩。
老公最怕癢，所以拒絕佢嘅好意喇。佢就帶我地係房度行左一個圈，再confirm埋我地預先book左嘅activities，佢就走lu。
佢一走，我地即刻換衫、瞓覺。
其實，咁早起身搭seaplane係好na攰，但亦都可以早D離開之前Traders Hotel果間有up味嘅房。不過，老公就話寧願瞓耐D、搭遲D嘅seaplane
瞓左4個幾鐘，已經係下晏1點半。食左少少係HK帶黎嘅零食，就換泳衣，係泳池游水。
游左一個鐘度，就沖身，然後攤左係度休息。再揀埋聽晚beach dinner嘅menu，話番畀villa host聽，就出去dive centre。
去到dive centre報到，係附近影下相，等左一陣，齊人就出發去sunset fishing，每人要畀US$90。
今次總共有4 pairs couples+1個細路，全部都係講國語嘅亞洲人。
船上有3個staff，開頭1個負責開船，其他負責搵地點釣魚。佢地試釣後，就會停船拋錨。3個staff就一齊準備魚線魚餌，分畀我地後，再逐個教點樣放魚線。
開頭30分鐘，feel到D魚係咁啄個魚餌，不斷收線、補魚餌。過多10分鐘，老公釣到一條魚，我即刻落多2錢力，係個staff幫手下，終於釣到一條la
之後再繼續釣，過左一陣，又feel到有魚上釣，即收魚線，但條魚好用力咁掙扎，好難收線，feel到有D唔對路。個staff見我有D唔掂，就走過黎幫手，我地2個一齊收線，個staff話係baby shark，係差唔多到水面時，真係見到條baby shark，個staff停左無再收線。
條baby shark就咬爛條魚線，游走左lu。講真，如果真係釣條baby shark上黎，有D驚law。
2個小時好快就玩完，回到resort，就去Plates度食一星期一次嘅lobster bbq buffet。
呢個係villa host recommend ge，原本我想係房度食番岩岩釣嘅魚。但villa host話整完會好夜wo，通常係第2日lunch先食番。我見第2日都唔係新鮮la，就聽villa host講，食buffet。
雖然bbq 嘅lobster、fish，真係ok，但其他就唔算好多野食，而且我同老公食量又唔大，埋單2個人要US$3百幾。早知係咁，嗌in-villa dinning，4個dishes（係超飽）都係US$200度。
食完返房，有D毛毛雨，就係reception借把遮用。點知愈行愈大雨，返房條路又要穿過樹林，夜晚行有D恐佈。於是快步行返房，早D瞓，養足精神聽日玩。
沒有留言:
發佈留言