9點令出發去食早餐,行左幾步,見到有架buggy停左係度,就問佢可唔可以車我地去食早餐。佢話ok,其實佢都係接左order,等緊車1對couple出去食早餐。
等埋果pair couple,就開車la。同果pair couple傾下偈,原來都係HK人,好難得呢!因為以我地所見,起碼有一半都係講國語嘅亞洲人,其他就係鬼佬。
食早餐嘅地方叫Plates,我地個package係包buffet早餐,所以之後每日都係喺呢度食。
Plates有室內冷氣座位,亦有戶外有蓋沙地座位,同有太陽遮向海座位。我同老公仲意坐有蓋沙地座位。
早餐有多國美食揀,有中式、美式、印度咖喱、麵包蛋糕、好多穀類奶類、每日唔同生果,都唔錯。我地就仲意食美式,炒蛋、腸仔、牛角包,加荳奶粟米片、cold cut、煙三文魚、pan cake。最like佢有好多果jam、糖漿,仲有一個人工養嘅蜂巢,睇住佢D蜂蜜慢慢滴落黎,畢黎搽麵包好好食。
野飲有咖啡、各式各樣嘅茶、鮮榨果汁、熱朱古力、同香檳。今日飲左成壺咖啡、同fresh orange juice。
D staff 好 nice,keep住好好笑容。中途會遞上today's news summary 畀我地睇、又會問下好唔好食。今日個CEO仲走出黎逐枱傾下偈。
Hea 完個早餐,已11點,就沿住沙灘邊行返房,原來呢條路好近water villas果邊,快過行森林車路。
一路行,一路影相。返到房,個housekeeper係度執緊房,我地就係房嘅terrace度影相。個housekeeper又係同我地嗲左一陣,我地之後request佢拎多2支水入黎
佢走左之後,我地換泳衣,諗住出海浮潛,點知其中一個面罩漏氣入水,玩唔到,咁就游水算la。
游完水,出去Dive Centre換番個面罩,就返房休息。
係房度瞓下吊床、曬下太陽、睇下書、上下網,到左下晏4點,我地都唔覺肚餓,反而有D頂住。相信我地早餐食得太多野la。
之後,就出去resort周圍行下、影下相。
到5點令,就返房換衫,等一早已經約左villa host黎接我地去beach dinner。
Villa host準時6:15黎到,同時佢介紹另一個將會接替佢嘅中國籍villa host,因為原本個villa host聽日起開始放大假。
佢仲送左個相架畀我地,原來係琴日一到resort嘅時候、用佢部相機影我地嘅相。哈,多謝晒,不過,琴日唔夠瞓,個樣實在太殘la。
佢地2個一齊車我地出去沙灘,個位置係water villa同dive centre中間,果時天已經黑晒,係伸手不見5指。
去到沙灘,已經有個staff係度等緊我地,咁我地同villa hosts say byebye,就跟住個staff行。
其實離遠已經見到candles,行到去食飯地方,真係忍唔住嘩一聲。
心形嘅枱同梳化係用沙堆出黎,周邊再圍左大大小小嘅candles,真係好鬼靚、好有情調、好鬼浪漫
呢個dinning by design係要預早book,可以揀係resort嘅任何地方或坐船去1個無人小島上食早、午、或晚餐。野食提供hampers、romantic、bbq、lobster menus,其他嘅set up、decoration就resort會安排。我地就揀左romantic menu。
個Staff主動幫我地影相,之後佢話要等野食由餐廳送過黎,佢就行埋一邊(黑到見唔到佢企左係邊),咁我同老公就自己同自己影相,再坐低望住滿天星星嘅夜空,加陣陣海風,好舒服
我地琴日已預先揀左3道菜,今日加多1支白酒。其實本身諗住各自嗌一杯酒,因為我同老公飲唔到成支。但個staff係咁sell我地要晒成支,重話飲唔晒可以拎番房飲,最後我地都order左1支。
Appetizer一上黎,可能太期待,所以唔記得影相,我地就開餐la。
Food quality係ok,可能煮完要係餐廳坐車送過黎,果度已經用左5-8分鐘la,所以D野食唔係熱la la,只係微溫。
係我地食完每道菜,而下一道未黎嘅時候,個staff會行埋黎同我地傾偈。食食下嘅時候,又有catering manager、housekeeping manager、同一個唔知乜乜mamager走黎傾一兩句。
雖然佢地咁做,係想我地feel到佢地嘅熱情,同令我地有賓至如歸嘅感覺,但我地覺得有D煩,因為我地想2個人可以好安靜咁享受咁浪漫嘅環境,但又唔好意思叫佢地走
食左2粒鐘,就埋單,個staff叫我地填張comment form,張野上面係寫左佢個名。老公話拎番房先填,佢就叫我地而家填埋,咁老公就tick晒very good畀佢。
其實,琴晚食buffet,serve我地個staff又係叫我地即刻填張comment form畀番佢。講真,我地覺得有D被逼law。
之後,就叫個staff call架buggy黎車我地番房lu。
番到房,再影下間房嘅夜景。
你這個沙灘dinner非常正呀! 我想問這一餐要幾錢呀? 我正考慮去這間resort n_n
回覆刪除[版主回覆04/14/2013 18:29:24]唔同menu有唔同計法,我呢個係逐個dish計,US$58 per dish。另加US$75 set up fee,if 係番Anantara island嘅話。去其他島ge set up fee 會貴d。我之前係經agent預先問resort攞個updated menu, 有埋價錢。你可以問下。
請問你們的3道菜包唔包甜品同埋頭盤啊?另外一道菜係唔係要$116(58X2)啊?Book咗8月中去,好有興趣試,酒店的Menu不係好明,只好請教你哋,多謝哂!
回覆刪除[版主回覆08/08/2013 16:30:59]3道菜指 appertizer、main course、dessert 各一,每道菜$58。