京都大阪旅行 2013 - Day 1 關西機場、京都祗園

晨咁早6點起身梳洗執拾，出發去機場。

去到機場約8點半，排隊check-in過關後，食埋過早晨快餐，岩岩好夠鐘登機。

預左班機full，同埋我地晏左check-in，本身叫agent 已 reserve左最後果幾排嘅2人窗邊位，但都畀人攞左（好唔仲意CX），轉左我地去3人座位，仲要唔連位。咁唯有同坐係我地中間果位乘客調位。

約當地時間下午2點令去到關西機場，入境時排左好耐隊，因為依家係日本入境要影相同scan你手指模。我都係而家先知ja

過完關，攞埋行李，之後上一層電梯，過條天橋，就清楚見到JR ticket office （綠色果個）。入到去又排隊，等左約半粒鐘到我地，就show張一早係網上預訂ICOCA & HARUKA嘅email confirmation畀個staff，填番少少個人資料，畀埋$就攪掂。

然後係對面嘅JR車站入閘，落到月台見到個車長，問下佢我地去京都果班車（用英文，我地唔識日文），佢就話＂next train＂，然後用日文+身體語言叫我地係邊條線排隊。咁我地就排隊，等半粒鐘之後先到嘅JR，中途去左買野飲。

架Haruka 75分鐘到京都，唔多人，又唔駛轉車，中途得果3、4個站，幾好。

5點半到京都駅，好眼熟，因為黎過，但完全唔認得路，哈哈！我同老公拖住行李係度踱左10分鐘，先搵到去酒店方向嘅路。

去到酒店check-in，上房放低行李，就出發去祗園。

我地係京都駅搭巴士，約20分鐘到祗園，但有一半舖頭已閂左門。咁我地係八坂神社門口影下相，係四条通行左一陣，就搵野食，因為已經好肚餓。

我地想食shabushabu，行下行下就搵到間牛禪。點左個日本牛shabushabu，另加鐵板燒，蔬菜麵食任點。

唔知點解果D牛比起HK食到嘅日本牛，真係好食D，滑D同淥好耐都唔韌 

食左個半鐘，就走la。原本諗住去辻利食又靚又好味嘅紅豆白玉綠茶雪糕，點知岩岩閂左雅座果邊，得番門巿賣軟雪糕，唉！咁唯有睇下聽日有無時間可以食到la。

之後就搭巴士番京都駅，一落車對面就係京都塔。影下相，係附近便利店買D飲品，就番酒店lu。