德國旅行 2014 - Day 7 Berchtesgaden, Frankfurt

今朝食完早餐，就執埋d行李 check out，慢慢行去火車站，沿途影下相，然後開始約6小時44分鐘嘅火車長征去Frankfurt。

首先搭番去Munich，中間有約40分鐘休息，我地係度買麵包、朱古力熱飲、水，揀完買完只淨番15分鐘，咁就一早上火車等開車。

去到Frankfurt已經係下晏約5點半，比原定時間遲左20分鐘，呢個預告左黎緊2日嘅火車都會唔準時！

我地間酒店係河邊，約行6、7分鐘就到。Check in 完，上房放底行李，老公已經話好肚餓，咁就係酒店附近求其搵左間餐廳。呢間餐廳食美式野，而且有幾部電視播緊世界杯，加上location係商業大廈區，所以都幾多人。

d野食普通、貴、waitress好似想你快d走，咁我地又肚餓，好快食完就番酒店，係房度影下晚霞。