結婚籌備二 - 婚紗相

攪掂完酒店，就去左情人節婚紗展，搵人影婚紗相。

地點，我好想去類似關島、沖繩果D chapel 度行禮（原本諗住旅行結婚 ga ma）。所以，我地係婚展 book 左沖繩 chapel，7月過去，個 package 包埋行禮、行禮後影相。跟住，再另外搵攝影師去沖繩影 pre-wedding。

由於事前，我地無做過功課，所以對點樣搵攝影師，係完全 no idea，唯有逐間睇。

我地未去過沖繩，所以要搵個去過沖繩影 pre-wedding 嘅攝影師，起碼佢知邊D景靚，但係婚展到，發覺唔係好多。

睇過N咁多間之後，我地唔揀果D超大型攝影公司，因為佢地嘅對答好 standard，個 package D野 fix 左，唔 flexible。

剩餘有幾間 ok，就留番畀老公揀，因為佢要揀個 style 岩佢 wo。乜 style，我真係唔識睇 lor，我覺得個個都差唔多 ja wo。

我地係婚展逗留左5、6個鐘，都決定唔到邊間。撇開 style 唔講，淨比較 package offer 嘅野，有D好貴，有D超平，平到我地有D懷疑係咪堅 ga。加上我地已經好攰，所以就番屋企休息下，等個腦清醒D先再講。

番到屋企上網 search 下D資料，老公終於揀左 Wedding Store。原因，好簡單，因為我有個 friend 之前影 pre-wedding 都係搵依個攝影師，不過，我係喺婚展果日先知。咁，我個 friend 都話 ok，佢最終又順利收到相 wo，阿攝影師又幾易話為，咁就揀左 lu。第二日，再去婚展，落訂，又搞掂 la。

但係，係3月中嘅時候，因為日本大地震嘅新聞令到我地卻步，果時情況又未明朗，最後決定取消去沖繩，改去瑞士。因為我之前去過，亦諗住會再去旅行，所以就不如去瑞士影 pre-wedding + 旅行。

跟住，即刻問攝影師 ok 唔 ok，ok 後，拿拿臨 plan 影相景點同旅行路線，有個大概行程後，就即刻 book 機票。呢個就無得再改 lu，因為去瑞士嘅機票好貴。