結婚戒指係7月嘅時候已經買左。
我對結婚戒指無乜特別喜好，上網 search 過，見D戒指多數都係簡約款式。
咁我亦無要求要有鑽石款，因為一黎好貴、二黎求婚時已經有一隻、三黎我本身唔係好仲意戴飾物，尤其係戒指同耳環。（我結婚後，都無乜點戴過！）
我地去左 Cartier 同 Tiffany 睇，基本上，款式真係無乜特別，咁就揀左 Cartier，因為 Tiffany
啱啱加左價。
本來，我眼望玫瑰金色好似幾靚，但試戴上手，我發覺我唔襯隻色。所以，我地揀左對銀色嘅，淨係刻左我地個名係內環。
8月尾，去左半島 menu tasting，試食果日婚宴嘅菜式。呢個係唔駛$嘅，包4位人用。
由於我地結婚唔請朋友，老公就叫我嗌D朋友去食，咁即係我要嗌3位朋友。呢個係一個幾難嘅任務，我諗左好耐，先諗到請邊3個 friend。
Menu tasting 係 Spring Moon 度食，果晚無乜人，我諗我地果枱係食得比較嘈，無辦法啦，4個女仔食野係嘈D ga la。
食完個chef會走出黎問番我地意見，佢就一路 mark 低我地意見、一路解釋碟菜用咩煮。
呢晚食得好開心，服務好就一定 ga la，最重要係結婚果晚，我地有畀意見嘅菜式，佢真係有改進，而且係好食好多 lor
沒有留言:
發佈留言