結婚籌備一 - 擇吉日、搵酒店

結婚已半年，但係我比較懶，而家先寫番關於結婚D野。

係決定結婚之前，我同老公已經有共識，就係＂簡單＂。即係唔擺酒，旅行結婚搞掂，因為我地好怕煩、好怕果D所謂禮節。

到左舊年1月決定結婚，同 dad & mum 講嘅時候，佢地話唔擺酒唔得。

其實我好唔明，直至而家都係，點解結婚一定要擺酒。佢地話結婚擺酒，等親朋戚友高興
下。

Well...當我同D friend 講話我結婚嘅時候，佢地已經笑晒口咁恭喜恭喜，再大家食餐飯傾下偈，果一刻我已經好開心。

我淨係知道擺酒果日，最開心嘅會係 dad & mum lor。亦因為咁，我地明白佢地開心都好重要。

經過我地堅持、竭盡我地所能，最後都應承左擺酒，不過只擺幾圍，浄請親戚，人少D，易 handle D，亦煩少D野。果時佢地話係咁意擺2、3圍就得ga la。

傾完之後，就搵我睇開紫微斗數嘅師父，幫我地擇吉日。幾日後收到 email，水蛇春咁長，有成三十幾個吉日。但唔係好知點開始，就扔底左成個月之後，先再的起心肝搵酒店。

係搵酒店嘅時候，諗住 comfirm 番 dad & mum 係咪2、3圍就搞掂，但佢地已經計好晒，話要5圍，浄係女家 ja wo。嘩，即刻反問邊有咁多親戚ar，平時過年最齊人嘅時候，都唔見有60人wo，係邊樹黎架？！

就係咁，最後決定擺10圍，男女家各5圍，無得再加 ar 

果個吉日 list，有舊年1月到今年1月嘅吉日，我地就由11月開始、之後10月、再之後9月，問酒店有無期。終於問到9月有期喇，係平日黎。其實，我地 prefer 平日多D，比較上無咁多人揀，唔駛同人爭。

酒店方面，我地只係搵左3間黎問，老公話最重要地點方便，最好係九龍區，方便親戚。所以 site visit 只去了其中2間酒店，2個禮拜之後，就 book 左半島，佢個廳啱啱好擺到10圍。真係好，咁快攪掂左。