機場有2個上客站，雖然第二個站近D，但我地行去第一個站搭，因為唔知多唔多人搭，驚無位坐，而且仲有時間，就慢慢行去。
企係巴士站等緊我地要搭果架巴士嘅時候，隔離另一條線嘅巴士埋站。我見個車頭顯示牌寫住去Samseong metro station，即係我地間酒店嘅地方，就走過去及及。個站長見我望住個路線牌，就問我去邊。我講間酒店名佢聽，佢話依架都去到。
我有d猶疑，因為hotel website嘅交通方法，並無依架巴士no. ，但我見路線牌又真係去到我要去嘅地方。我就show張已買嘅車飛畀佢睇，再confirm佢係咪去三成站。佢話係，而且仲快d，咁我地就上左呢架車，用番原本嘅車飛就得la。
架巴士係大旅遊巴，d坐位好鬼闊落，係2+1坐位，好鬼舒服，但咁就載唔到好多人。不過，最後架巴士係唔full。
坐左80分鐘（市中心好塞車），終於到三成站，然後過十字馬路，就到我地間酒店。Check-in完，順便叫front-desk幫我打電話book2日後去嘅鐵道單車（因為旅遊書話最好預早book，而且個鐵道單車website只有韓文，唔識睇，咁唯有叫hotel staff幫我book）。個front-desk好nice ar，好快手打完電話就搞掂，佢話去到講番我個姓就得，仲話到時有問題就打電話番酒店。
同埋，book房時request high floor & quiet room，酒店真係畀左間高層單邊房， 超正！另外，係出發前2日，無意中知道韓國政府有個新嘅hotel tax refund畀旅客，咁又問埋front-desk有無得退稅，佢話呢間酒店唔apply wo。
係酒店房hea左一陣，就出發去汝矣島公園。一出酒店門口就係Metro入口，超方便。車飛就係部自動售票機度買，有得揀英文，跟住指示就ok。記得去到目的地，出左閘後，搵部deposit refund機，入番岩岩用完嘅飛，有500won退番（因為買飛時已包左500won deposit)。
其實汝矣島公園無乜特別，只係因為RM係度拍過，同埋順便行下漢江邊。行左個令鐘，就搭metro去弘大食飯。
弘大有好多食肆，所以呢度好多人。係度行左幾個字，就搵左間有英文menu嘅餐廳。食完就返酒店lu。
沒有留言:
發佈留言