坐我地隔離同對面嘅，都係一班上左年紀嘅c9，而且個個都着晒行山裝，好郊遊feel。
出左金裕貞站，右手邊就會遠遠見到Rail Park嘅logo，行5分鐘就到。本身我book左1點鐘果個時段，而佢要求開始前20分鐘到達。咁我地約12點半到金裕貞站之後，就一條氣跑過去售票處，就咁講番個姓，然後畀＄，咁就買完飛。
擰轉身，先見到個鐵道自行車就係後面，附近就有其他人係度等緊開始。
不過，一睇人數就知呢個時段唔full，所以其實可以黎到先買飛，唔駛一早book定，但只限平日，星期六、日、假期係full ga。而且買完飛後，就齋等到1點，所以其實唔駛咁心急係車站跑過黎，亦唔明點解要我地提早20分鐘到。
不過可能等我地有足夠時間去洗水間gwa或醫定肚先，因為開始左後，就要踏約1粒鐘，先到中途休息站，而且只限休息15分鐘（約莫咁上下，唔係好記得）。
到1點鐘，就可以排隊上自行車。等所有人坐定後，個staff就開咪講野，應該係講一d安全信息gwa。之後，再有staff走過黎每架車，check下有無扣安全帶、個brake制work唔work。
搞掂晒，就分批出車，因為要預留車與車之間嘅空隙，有人會踏得快，亦有人踏得奇慢，哈！我地前前前前面有架車就係超慢，攪到後面d車成日停底等果架慢車行。
我地果架係2人車（另有4人車），而大部份時間，都係我老公踏，我就影相。到中途休息站，就去買左魚板食，休息時間夠鐘就攞埋上車食，再繼續踏。
約1粒鐘後，就到終點-江川。按個staff指路，就向左手邊行去metro站。
但行左十分鐘仲未見到個站，而且我地跟甩左人群，於是係呢個偏僻、人都唔多個嘅鄉郊地方，一見到便利店，就走入去搵人問路。
入面得1個staff同1個女人，咁我地用英文問個staff，佢就大聲講左唔知d咩，果個女人就走過黎，用英文同我地溝通。實在太好la，雖然係有限英文，但已經幫我地解決左問題，超感謝！
其實一直再向前行，就一定見到個站，因為個站係條橋上面，但要行多15分鐘先見到。
原本諗住回程嘅時候去清平嘅小法國村，因為清平都係京春線，而且一定經過，但我地玩完自行車已經好攰，所以放棄。
回程車上一半時間係瞓左，中途轉車就買d野食醫肚。返酒店hea左一陣，就出去江南廳站度
dinner。
今晚食韓牛，因為韓牛唔出口，聲稱比和牛仲貴，而且見RM又食到好好味咁，所以我地好期待ga。睇旅遊書介紹，搵左間韓牛餐廳。
去到餐廳見我地係遊客，就搵個識得講國語嘅阿珠媽serve我地。我地即刻諗呢間野擺明做遊客生意，但除左我地2個之外，其他顧客都係local。
是但點左2款韓牛，份量唔係好多，每人5、6件，阿珠媽幫我地燒埋，基本上15分鐘食完。唔係好夠，又再點過另外2款，再加個牛肉湯飯。
其實食左4款唔同部位嘅韓牛，唔覺得有咩唔同，亦唔覺好食過和牛，但叫做試過la！
第二日，食完早餐，本身諗住去酒店斜對面嘅COEX shopping mall行下。點知裝修緊，圍晒板，睇住指示牌照行入去，但好似迷宮咁，決定放棄。再兜過路去supermarket，買左d包裝好靚嘅5顏6色米通做手信（呢個正，夠輕！）。
跟住返酒店check out，係度買埋機場巴士飛。呢程係front-desk recommend ga，由酒店出的士＄，唔駛跳錶，搭去City Airport。我唔知City Airport係咩地方，只係一入去就見到有個候車區，仲見到個顯示屏show緊我地要搭嘅機場巴士，仲有3分鐘就開。哈哈，時間真係校得岩岩好，而且呢架係不停站，直去仁川機場返HK lu！
沒有留言:
發佈留言