係酒店食完早餐（係buffet breakfast，但無'S'酒店咁一大堆頭野食，勝在唔係好多人），就塔metro去景福宮，要轉一程車。
對於呢度d metro，如要轉車，閒閒地近嘅行4-5分鐘、遠嘅10幾分鐘，真係行xx我！即係好似係香港站行去中環站咁，但要長好多！仲要及實沿途指示，因為有d大站係幾條缐嘅滙點，試過行下行下掛住講野甩左個指示，去錯左要搭車嘅對面月台，但唔係就咁去番車站大堂過對面就ok，我地果次係要原路行番去（原本已經行左9-10分鐘先黎到依度）。不過，最後有人幫我地，以特別方法，2分鐘就過番對面月台。
今日天氣非常好，好猛太陽，尤其係空曠嘅景福宮。呢度好大，連埋周邊嘅國立古宮博物館+國立民俗博物館（持有景福宮入場劵係免費的），要行晒應該要3、4粒鐘。
我地行左個半鐘就走，好熱同已經有d攰。跟住我地行去光化門旁邊嘅商場，一見到有間cafe，即刻樸入去，買番杯凍飲坐低抖下。
充完電後，就行去馬路中間嘅光化門廣場，影完相就走lu。
再搭metro去鐘路5街站嘅廣藏市場，呢個地方類似街市，乾濕2貨日常用品都可以買到。而我地黎嘅主要目的係食野，但我地唔係好肚餓，而且我唔係好食得辣，所以只食左紫菜包飯+魚板（埋單6000won，抵），好食過係HK，而且ok乾淨，可以放心食，起碼食完無肚痛。
走嘅時候買左盒糯米做嘅糕點，因為成日見RM食得好好味，點知係咸嘅同好油，食落其實係無味嘅，食唔慣law。
之後搭metro去明洞，本身諗住行去搭𨋢上去吊車站（去南山塔），但因為有d攰，就搭taxi直接去吊車站，好似只係跳左2次錶。
每架吊車應該可戴30人，而我地咁岩同一個強國旅行團一齊，佢地好興奮，有d係度大聲唱歌，另有個企上長椅（架吊車2邊有長椅，坐到4個人度，其他係企位），幫佢班團友影大合照......
到頂後，好好風，風景好靚，望晒成個首爾。我地無畀＄上南山塔，買左d手信就走喇。
跟住去明洞shopping，係附近搵間兌換店唱＄，係平過HK少少。行左1粒鐘，買左少少戰利品，主要係衫褲鞋，搭taxi去梨泰院dinner（超攰，尤其唔想係metro行到死咁轉車！）。
梨泰院係外國人集中地，有多國食肆，所以是但楝左間餐廳，食意粉 pizza！
沒有留言:
發佈留言