瑞士旅行 2011 - 第3日 Luzern

今朝9點開始化妝，11點到化完妝就開始影婚紗相 lu，有D興奮，又有D緊張。今日 Luzern 天氣非常好，好熱同埋好曬，仲要著住件婚紗，真係好鬼熱。擔住遮，出發 la。

外國人係比較直接同熱情，見到我著住婚紗係條街度遊盪，係咁講 congratulationsssssss，我同老公就不斷回應 thank you!!!!!!

影到大約下午3點，就坐低食D野，即刻嗌野飮，好頸渴。

係呢度發生左段小插曲，由於我唔識德、意文，對方又唔識英文，係唔知佢想點情況下，佢嘅舉動嚇到我想即走，即刻拉住老公同化妝師走。事後諗番，可能我反應過大。不過，果一刻真驚 ga。

繼續影相，已開始有D攰，到5點幾，就返酒店休息。晩上8點幾再出去影夜景，Luzern 係9點先至會全黑。

影到10點幾，就收工 lu，去火車站 Burger King 買包食。其實我唔係好肚餓，只覺得攰，想快D返酒店瞓覺。

見到攝影師同化妝師都好似有D攰，辛苦晒。真係蠢，應該係中場休息嘅時候食 dinner，但影相影到唔知自己做緊乜，咩都諗唔到。

老公更加唔駛講，快快返酒店，食包，落妝，沖涼，執行李，瞓覺。