瑞士旅行 2011 - 第6日 Vevey, Lavaux, Zermatt

今日起身，心情超輕鬆超興奮，因為終於真正開始我地嘅瑞士 holidays la

係酒店食完早餐，就 check out， 搭火車去 Lavaux。http://www.montreux-riviera.com/en/page.cfm/Multimedia

Lavaux 係一個依山而建嘅超大葡萄園，面臨日內瓦湖，係世界文化遺產之一。呢個旅遊書無嘅，我係瑞士旅遊局網頁度睇到。我地 plan 由 Chexbres 慢慢行去 St. Saphorin，沿途就係葡萄園。

呢趟火車去 Lavaux 比較麻煩，一黎我地拎住行李，二黎要轉幾程火車。首先係 Interlaken 搭大約1個鐘火車去 Bern 度轉車，跟住再搭1個鐘去 Lausanne 度再轉車，然後搭10分鐘火車去 Vevey 再再轉車，最後搭8分鐘火車去 Chexbres-Village。因為回程會去返 Vevey，所以去到 Vevey 嘅時候，我地諗住用火車站嘅 locker 黎放低行李。

點知 locker 極度受歡迎，係數量不多情況下，無論大小 locker 都 full 晒。而我地無可能拎住行李去行葡萄園，所以就決定去火車站 Information counter 度問下點算。估唔度職員話可以存放係佢地 counter 後面嘅 office 位置，但要畀錢，價錢貴過用 locker 少少 （實際幾銀已忘記了）。

我地即刻畀錢，留低姓名同埋passport number，然後跑番上月台，因為我地要趕火車去 Chexbres-Village。但火車啱啱開走左，too bad。下班火車係50分鐘後先有，咁我地唯有離開火車站，係 Vevey 度行下。

好彩刨旅遊書時，都望過下 Vevey，知道湖邊有個差利卓別靈像，咁就去睇下。不過，好多遊客 ar。

終於等到火車去 Chexbres-Village，到達時是正午12時多，好鬼曬。

又係正午，瑞士人又休息，條街無乜人。係火車站攞左D小冊子，有成個葡萄園嘅地圖，但睇唔明。睇番路牌，見到有指示去 St. Saphorin，which is 我地嘅終點，就跟住行。

行下行下，穿過住宅\酒廠，向住湖邊同埋落山嘅方向，就好清楚見到一大片葡萄園。我地行緊嘅路係一條有車行嘅路 （但無乜車），沿路都有指示牌指去 St. Saphorin。

一路行一路望住好大嘅日內瓦湖，好舒服，同埋見到好多好多白葡萄，間唔時有D工人係度做緊野，見我地行過就 say hi。

行了大約1個鐘，就到 St. Saphorin, 又係無乜人。

咁我地又開始火車之旅去今晚瞓覺嘅地方 Zermatt。

係 St. Saphorin 搭 5分鐘火車去番 Vevey 攞行李，跟住搭1個半小時去 Visp。去到 Visp，要等半個鐘先有火車去 Zermatt，咁我就去左火車站嘅小型 Coop 度買朱古力牛角飽（好好味！）同朱古力飲（一樣咁好味！）。

呢度好多人喺度等火車去 Zermatt，我地搭左1個鐘，下午5點半就到 Zermatt。一出火車站，就知道呢度係著名旅遊景點，因為超多人，有遊客，同埋好多電動的士係度等，應該係兜客。

我地酒店好近火車站，所以無叫酒店派 shuttle 黎接我地，就咁推住行李，行去酒店。但呢度明顯凍D，可能又係喺山區，同埋近雪山。

去酒店 check-in 攞房，放低行李，加抓毛外套，就出去行。

第一站當然係 Coop，買水、橙、飲品、雪糕，hoho！！

買完就返酒店放低 D野，跟住又出去食晚飯。

間餐廳係一間屋仔，食傳統瑞士菜，我同老公都好鍾意呢間野，人唔多，老闆娘好 nice，D野好好食。我地嗌左 Raclette 烤芝士，老闆娘親手整，仲要 unlimited refill， 配埋熱la la 嘅薯仔，我地食左3碟，老闆娘仲問我地要唔要，我地話夠了 hohoho~~~

仲有 salad，好大碟。雜肉拼盤配蕎頭酸瓜，起初我唔仲意食蕎頭同酸瓜，但試下試下，配埋咸嘅雜肉，又 ok wo。加埋 white wine，perfect。