瑞士旅行 2011 - 第7日 Zermatt, Stellisee

琴晚係酒店玩 wifi，妟左瞓少少，所以今朝9點先起身。然後落酒店餐廳食早餐，幾闊落，坐得好舒服。

食完就出發去 Stellisee。我地一路行去吊車站，一路影相。

Zermatt 有2個吊車站，我地要去 Blauherd 果個。上雪山嘅纜車\吊車，就算有 Swiss Pass，都要畀$，不過會有 discount，總之最後要畀 23.5瑞郎 per person for return trip。

係車站買完飛，首先搭纜車，3分鐘車程就到 Sunnegga。

然後轉搭吊車，7分鐘到 Blauherd。一出車站，好凍 ar！！！

見到指示牌，就行去 Stellisee。

指示牌話15分鐘到，我地邊行邊影相，應該用左35-40 分鐘先到。

去到就搵靚位影相，玩左好耐，再坐低飲野，自備嘅。

跟住，聽到羊咩聲同噹噹聲愈黎愈近，行前D見到一群羊係山上行緊落黎，肥嘟嘟，面同腳係黑色嘅，仲有個噹噹，好鬼可愛ar~~~

我地行到好近影佢地，佢地知道有人係到，會望過黎。之後，佢地沿住條行人路行，我地跟住佢地後面，中途佢地停低食草，我地又停低。有一隻羊應該係大阿哥，見我地停低，就咩左幾聲，其他羊就讓開條路，咁我地就係佢地身邊行過去。玩完la，回程，byebye 黑面羊！

落番去巿內，已下午2時多，經過一間餐廳，外賣左2件 cake 番酒店慢慢歎。

食完又出發上雪山 Klein Matterhorn，今次去另一個吊車站。點知去到3點幾，車站職員話上到去都差唔多閂門收工，叫我地明天請早。唉，我又醒唔起有閂門時間，點算，我地聽日要走 la，book 左9點 Glacier Express 去 St. Moritz。我要上雪山 ar，唔開心！！！

跟住老公話，而家去火車站 re-book Glacier Express (re-book 唔駛$)，搭最遲果班 10點離開，然後聽日搭最早班吊車 0630 去 Klein Matterhorn。

搞掂完之後，我地就係巿內行下，無乜 mood，然後 dinner，今晚食得簡單D，就早D返酒店執野瞓覺。