今年3月決定去瑞士，6月尾出發，用了4個月時間去plan行程，簡直預備充足，而且今次去影埋婚紗相 pre-wedding photos，所以要plan定景點影相。
瑞士係我一定會再去嘅地方，本身諗住明年先去，難得老公又agree去瑞士影婚紗相，咁就順便去埋旅行，哈哈哈！！！ （我希望會再去第3次！）
一切預備由4年前買果本旅遊書開始。
巿面上好嘅瑞士旅遊書不多，既然係咁，無謂再買過。同埋網上嘅資料多的是。
景點多數係旅遊書搵，再加埋瑞士旅遊局網頁 http://www.myswitzerland.com/en/home.html，同埋search下其他旅遊blog，咁就搞掂。
另一個好緊要一定要睇嘅網頁，就係SBB http://www.sbb.ch/en/home.html
呢個係瑞士火車網頁，可幫你搵到最快嘅點到點路線，有火車班次同埋所需時間、車費。基本上，火車係會站站停畀人上落，而且要㩒車門隔離果個開門制，車門先會開。不過，我遇過有D火車門會自動開，所以，有理無理，我係咪都會㩒開門制
但有D鄉郊火車就唔會站站停，咁就要係差唔多到站時，㩒'停車制'，車長就會到站時停車。係 SBB search 火車路線時，佢會顯示埋邊D車係＂Stop on request＂。
另外，係 SBB 仲可以睇埋路線中船、纜車、吊車、巴士嘅班次同所需時間。Print 晒路線出黎，唔怕唔記得，因今次去11日，中間去好多地方，所以print出黎好D。（呢個非常適合以火車遊覽瑞士嘅人，自駕遊就另當別論。）
上次去瑞士，因2星期前先book機票，所以浄係泰航仲有機位，要係曼谷轉機。今次老公話要搭直航機，所以搭瑞航。因我地book機票太遲（4個月前book已算遲），價錢比最平嗰隻貴$2xxx， per person！！！
最後換瑞郎，好貴，$9.1。幸好，舊年年尾已換定@$7.8。
出發lu!!!!!!!!
沒有留言:
發佈留言