食完早餐就去火車站，諗住搭9:53火車去Fussen。我地係個ticket machine度㩒黎㩒去，都搵唔到想買嘅邦票，於是問附近嘅staff，佢叫我地去counter買。
一入到DB office，見到有部機畀你㩒飛仔攞no.，之後等嗌no.，但因為仲有7、8個no.先到我地，9:53果班火車已經係我地等緊嘅時候走左la，下一班要過一粒鐘先有。
到我地no.，行去counter用英文同個staff講話要買邦票，我未問完，個staff就用英文話佢唔識英文，再用德文講左2句。我地覺得有d奇怪，點會唔識講英文、咁唔識德文ge遊客點買飛？
之前我地係DB website capture左個Bayern Ticket（Bavaria嘅邦票名）個screen，咁就show畀個staff睇，佢就好似好唔耐煩咁幫我地出左張Bayern ticket，中途仲一路重複話佢唔曉英文，但又用英文同我地confirm人數、train class、日期。好快攪掂走la，佢又好有禮貌咁同我地講多謝byebye。
但我地真係覺得好奇怪，係個DB office 周圍望下，先發現原來㩒飛仔上面嘅天花板，掛左塊有箭咀嘅牌，寫住"English speaking"!
OMG，原來係我地睇唔到，真係對頭先個staff要say sorry，夾硬幫我地出左張ticket。
我地見仲有時間，就去"English speaking"果個counter排隊，諗住一次過買埋之後2日嘅Bayern tickets，費事又晒時間再排隊。呢個office有十幾個counters，但係得一條English speaking!
我地排緊第三個，以為會好快，點知問緊ge印度couple，差唔多問左半粒鐘；前面ge強國couple，問關於搭火車去瑞士、英國、法國......，問左15分鐘度；我地用左5分鐘完成，剛剛好可以搭到10:53開嘅火車！
係counter買飛，每張飛要畀多EUR2手續費，但website明明講話可以係ticket machine度買，可能係我地無認真咁研究。
上左車就係張Bayern ticket上寫番我地2個名，呢個主要係防止乘客轉交畀其他人重複使用。不過，我見過車長check飛時，有乘客無寫名，車長就咁要求佢即場寫番個名就ok。
搭大半個鐘到Buchloe轉車（唉，9:53果班係直到），再搭1粒鐘到Fussen，沿途係郊區風景。
一出站轉右，就係巴士站，搭73 或78 號巴士（其實跟人行就得）。上車時show張Bayern ticket畀司機睇就ok，最後要2架巴士先起碼夠載晒d人。車程唔駛10分鐘就到Hohenschwangau，一落車就係tourist info center (http://www.hohenschwangau.de/837.html)。
向右行上去，就會見到好多人排緊隊嘅ticket center。如要入去城堡內部，就要係度排隊買飛。但我地無諗住入去，因為依家買飛只係買個time slot，要等到果個time slot夠鐘，先可以入去。果日見到個time slot係2個鐘後。
我地先係小食亭食個熱狗，然後行到差唔多街尾（近住Schlosshotel Lisl)，左手邊又見到一條人龍，果度就係shuttle bus station上去Marien-brucke。
Shuttle bus 要EUR1.8 （車＄係 http://www.fuessen.de/en/service/brochures.html），我地等左約15分鐘就有車la。前面岩岩有班強國團，基本上已坐晒成架巴士，所以我地要企，好彩車程只係5分鐘。
其實，一落車個環境係好舒服寧靜，四周都係一棵棵超高大嘅樹，但我淨係聽到聲浪好大嘅國語。
去到Marien-brucke，梗係逼滿晒人，呢個預左，始終係著名必到景點，可以影晒新天鵝堡+富森全景。但可唔可以唔好企晒係入口顧住影相，想行入去無咁多人嘅橋尾，講唔該借借又聽唔到，好似我會搶左佢個影相位咁。
我地唯有退後等5分鐘，等d人散咁d先過去條橋度，一見有吉位就拿拿臨影相，前後3分鐘就走la。所以，有人話新天鵝堡要早上去，應該係無錯ga。
之後，跟指示牌行落去新天鵝堡，腳程只係約10分鐘，但沿途好靚，可望到舊天鵝堡+Alpsee+Schwansee。呢度影相唔駛爭，因為d人仲係條橋度。
但就黎到達嘅時候，開始落雨，仲要係狂風大雨，所有人即刻飛奔去城堡入口個瓦遮頭避雨。
呢度有間賣紀念品舖仔，門口掛左d便利雨衣，好識做生意。我地企左約15分鐘，d雨依然咁大，只係風細左d，咁就買左2件便利雨衣（每件EUR2），就快步行去馬車站。
d雨開始細，係度等左約30分鐘先陸續有2-3架馬車上黎。車程約10分鐘就到山下，同埋已經停左雨，咁我地行去Alpsee睇下。
去到湖邊，OMG，見到有個鬼佬企出去湖嘅淺灘角落位，而好明顯佢個姿勢係去緊小便，仲要2頭望，但其實行2步路就係公廁（當然要畀EUR0.5）。即刻對呢個湖無乜興趣，而且個天好暗，影2張相就走。
點知又落大雨，就去買紀念品，順便避雨。等雨細d就行番去巴士站，搭巴士出火車站。
番到Munich就行去舊城區dinner，因為好肚餓，就求其搵左間最近嘅餐廳，係地庫ge。嗌左燉牛肉、carbonara、沙律。上菜速度奇快，份量亦好大，但除左沙律係ok之外，個燉牛肉似漢堡扒、意粉汁傑到爆，又貴又唔好食。
好快食完番酒店睇世界杯。
沒有留言:
發佈留言