德國旅行 2014 - Day 5 Berchtesgaden，Jenner am Konigssee

今朝好早起身，因為要check out離開Munich，搭8:54火車去Berchtesgaden。首先差唔多搭2粒鐘去Freilassing轉車，然後再搭50分鐘到Berchtesgaden。

出左火車向左行5分鐘，就係我地間酒店，會住2晚。如果唔係fully book，會stay係呢度3晚，因附近好多景點想去。

呢間酒店係成個旅程最平ge，係family run，我地見到女主人同佢個仔，但見唔到男主人。女主人係reception好nice好簡短咁brief左我地要注意嘅地方，就畀左2張visitor cards（免費搭市內巴士）、room keys我地。

我地間房係一樓，拎住行李行上一層樓梯，呢度無lift搭。係房抖左一陣，就出番去火車站，而個巴士站就係隔離。等左一陣，架巴士no. 841到左，上車show張visitor card畀司機就ok。不過呢架車好多人搭，因為係去國王湖，我地要企。(http://www.rvo-bus.de/rvo-de/start/fahrplan_informationen/fahrplaene/?x=1&c3191568=&c3191576=841&itemsPerPage=20)

車程15分鐘，我地係總站Jennerbahn落。有d肚餓，所以係對面間cafe坐低食左麵包同飲杯野，再買多個麵包拎走，等陣行山肚餓時食。

過番對面就係上Mt. Jenner個吊車站，買完飛（呢度無乜人）就上吊車，架吊車係岩岩好只可以坐2個人，無多餘位，如果肥d會好逼，所以我地見到有對外國夫婦係分2架吊車坐。

沿途風景好靚，因為今日非常天朗氣清。另外，可以係中途站落，個staff會問你繼續上定落車。

我地繼續上，到頂時係超大風、好凍，我地無特別著多d衫，因為無諗過咁大風。雖然風景真係好靚，但頂唔住咁大風，所以影幾張相就走。再搭番吊車去中途站Mittelstation落，出站向右行，就開始行山。

路線終點係去番山下面嘅吊車站，不過行一個大U形落。本身google過約行2粒鐘，但最後行左3粒鐘，哈，太耐無行山呢！沿途有好多人行，全部都係鬼佬，無見過亞洲人。仲有見得最多就係牛牛，通山都係，後尾先知呢度係養牛場，所以間唔時條路會有牛糞+一大堆蒼蠅。

d鬼佬着短袖行，我就厚長袖再加件厚褸，一路行都有涼風，所以唔覺熱，但老公一件薄長袖就話岩岩好！不過，行左2粒鐘後，而且愈黎愈近地面，我就終於開始覺得熱la！

行完對腳好攰，經過吊車站再向前行約5分鐘，就到左大街。呢度2旁都係商店，街尾就係國王湖。我地聽日先去國王湖，依家只係求其搵間餐廳坐低休息+dinner。

呢間嘅份量好大份，味道普通，但好平。食完搭番巴士走！