食完就去Interlaken Ost火車站,係ticket counter買少女峰return ticket,仲送左本少女峰車站100週年紀念嘅簡體字pass,作為留念。
首先要係Grindelwald轉車,然後再係Kleine Scheidegg轉車,之後到左Eigerwand、Eismeer觀景台,火車會停10分鐘,畀遊客落車去觀景台欣賞窗外雪山美景。
一出Jungfraujoch,已堆滿晒遊客。跟住周圍行,較為有興趣嘅係Ice Palace、Sphinx、Plateaux,其他無乜特別。另外仲有個Snow Fun,有各種雪地活動可以玩,但要畀$$$。
一定要去Plateaux,因為可以踏出雪地玩。不過,好凍,仲要有一兩陣大風,大風度有D企唔穩,要慢慢行,但好猛太陽。我已經將帶黎嘅冬天衫著晒上身、加埋手套,先叫ok。但有班鬼仔係度玩野,除晒衫、剩番條底底,見到戥佢凍
係度除左望到Aletsch glacier,另一邊遠望就係一排排山脈,根據地理位置,果邊應該係法國、德國。
回程嘅時候,去到Wengen就落車,然後健行去Lauterbrunnen。落左雪山,太陽伯伯依然係度,所以行下行下有D熱。
去到Lauterbrunnen,就係條大街度行,買左D手信,行到去個瀑布,就上埋去瀑布嘅後面。上去條路好斜,而且愈黎愈濕。盡頭只係去到瀑布嘅中間高度,但就係佢後面,其實無乜特別。
之後番去Interlaken,買左朱古力手信,然後dinner,食完就番B&B。
瑞士食野好鬼貴, 你個dinner幾錢呢?
回覆刪除[版主回覆11/27/2012 16:11:23]呢個唔係好記得, 約CHF30-35。但之前一晚, 都係係Interlaken都食, 有湯+主菜, 只係約CHF20, 一樣好食。呢樣野要周圍行多幾間格價...haha