另外,有樣野都好唔掂(尤其喺我超攰嘅時候):我地班機係Doha,唔係泊係機場閘口,而係泊係機場中間,無論上落都要搭接駁車,呢駕野搭親都要4、5個字,真係企係度都瞓著
早上8點幾到Zurich,即去火車站買Swiss Pass。之前去果2次,都係排counter買,今次排完一條蛇餅之後,埋到counter,佢話Swiss Pass係轉角位度買。
我好出奇,但照行過去,有個地方叫咩Travel Agency,走入去排隊,見到前面D人真係買緊Swiss Pass。
今次SBB有promotion,4-days Swiss Saver Pass 2人同行1人價錢,咁我地就頭4日買一張,尾4日再買一張,每人只係畀CHF226就可以玩8日。
之後搭火車去Luzern遊覽,原本諗住用火車站嘅locker黎放低行李,點知我個喼太大,連最大size嘅locker都唔夠我用。唯有去info center問下,佢叫我去樓下SBB office度存放,要畀CHF10。
攪掂完就出發遊Luzern,天氣好好,9月份仲有猛烈陽光。
周圍行左約2個鐘,就坐火車去Appenzell間B&B。臨上火車前,係車站買麵包食。
今晚瞓嘅地方,其實離Appenzell都幾遠,最近嘅火車站叫Hirschberg,係睇google map搵到。
去到B&B已5點幾,放低行李就出番去St. Gallen到行。
晚飯係St. Gallen是但搵間餐廳食。番到B&B已差唔多10點。好攰,沖完涼即瞓。
請問4 day Swiss Saver Pass是否某一些時段才有2合1優惠? 妳在瑞士當地買嗎?
回覆刪除[Dennis Kong回覆10/31/2012 17:46:57]以我理解,promotion逢淡季都會有!
[fish回覆10/17/2012 21:34:19]唔該唒,我會打去瑞士旅遊局問下。
[版主回覆10/17/2012 21:19:34]今次promotion去到30 Nov 2012,但係咪每年都有,就無留意la。你可以打去係香港嘅瑞士旅遊局度問,個度D人有問必答。我係瑞士蘇黎世機場個火車站買。
你去的天氣跟我去時的天氣,相距甚遠.
回覆刪除[版主回覆11/27/2012 16:22:54]o...sorry, 睇錯左.
[咩咩仔回覆11/27/2012 08:39:32]我去時不是10月呀, 是3月呀.
[版主回覆11/26/2012 20:23:48]我係9-18/9去ge,同你果時10月去,差半個月。我都估唔到天氣變化可以咁大。